«Դիլիջան» բժշկական կենտրոնի մասին

Ծառայելով Դիլիջանին և Տավուշին

«Դիլիջան» բժշկական կենտրոնը տարածաշրջանի առաջատար և բազմապրոֆիլ առողջապահական հաստատություններից է, որի գլխավոր նպատակն է ապահովել մեր ազգաբնակչությանը միջազգային չափանիշներին համապատասխան, բարձրորակ և հասանելի բժշկական սպասարկմամբ: Մեկ հարկի տակ համախմբելով փորձառու մասնագետներին, ժամանակակից տեխնոլոգիաներն ու հոգատար մոտեցումը՝ մենք հոգ ենք տանում ձեր և ձեր ընտանիքի առողջության մասին:

«Դիլիջան» բժշկական կենտրոնը հիմնովին վերանորոգված է և համալրված է աշխարհի առաջատար ընկերությունների կողմից արտադրված ժամանակակից բժշկական սարքավորումներով։

Այսօր «Դիլիջան» ԲԿ-ն առաջարկում է բժշկական ծառայությունների լայն շրջանակ՝ ապահովելով ինչպես հիվանդությունների ճշգրիտ ախտորոշումը, այնպես էլ դրանց արդյունավետ բուժումը, ինչպես նաև Դիլիջան համայնքի ազգաբնակչության արտահիվանդանոցային սպասարկումը։

«Դիլիջան» բժշկական կենտրոնը սերտորեն և մշտապես համագործակցում է Երևանի առաջատար բժշկական կենտրոններից երկուսի՝ «Նաիրի» և «Էրեբունի» բժշկական կենտրոնների հետ:

​Այս համագործակցության շնորհիվ մայրաքաղաքի լավագույն և ճանաչված մասնագետները պարբերաբար այցելում են «Դիլիջան» ԲԿ՝ տեղում իրականացնելով.

• Մասնագիտացված խորհրդատվություններ

• Բարդ և նեղ-մասնագիտական հետազոտություններ

• Բարդ վիրահատություններ

Սա նշանակում է, որ տարածաշրջանի բնակիչները ստիպված չեն հեռու ճանապարհ անցնել մայրաքաղաքի լավագույն բժշկական օգնությունից օգտվելու համար. բարձրակարգ բժշկությունը հասանելի է հենց Դիլիջանում:

Մեր առաքելությունն է՝ լինել ձեր կողքին կյանքի ամենակարևոր պահերին, պահպանել ու վերականգնել ձեր առողջությունը՝ կիրառելով ժամանակակից բժշկության ողջ ներուժը: